Andlegir leiðbeinendur 1

Handan okkar efnislegu tíðni, virðist hinn ósýnilegi heimur vera troðfullur af öndum með margs konar hæfileika og þroska... Hvort sem við köllum þá anda, engla eða leiðbeinendur, skiptir ekki máli. Til er fjöldinn allur af frásögnum, sem sanna að þeir eru til, og þessum sönnunum hefur um margra alda skeið verið safnað saman frá mörgum mismunandi menningarsamfélögum og trúarbrögðum.

Nokkur tilfelli um myndir af FFH

Hér má sjá samantekt af upptökum sem hafa náðst af óútskýrðum ljósfyrirbærum á himni, víðsvegar um heimi


http://www.youtube.com/watch?v=RjGYSGbAEUM&feature=share

Dularfull ljós á flakki yfir Bandaríkjunum - myndband

Margir Bandaríkjamenn velta nú fyrir sér dularfullum ljósum sem hafa sést bæði yfir El Paso og New York. Í New York sáust ljósin raunar um hábjartan dag. Í El Paso hringdi sjónvarpsstöð í flugvöll bæjarins og fékk þær fréttir að einhverjar listflugsæfingar hefðu verið þar í gangi. Ekki var hinsvegar sagt hvort það var á sama tíma og dularfullu ljósin sáust. Né er minnst á að þetta sama flugfólk hafi verið að æfingum yfir New York. Hér verður líklega hver að túlka fyrir sig.

Smella HÉR fyrir myndband.

Heimild: Vísir, 19. okt. 2010 14:18 - Óli Tynes skrifar.

Flugvelli lokað í Kína vegna fljúgandi furðuhluts

Baotou-flugvöllurinn í Mongólíu, sem tilheyrir Kína, var lokað í um klukkustund í dag eftir að dularfull ljós sáust á himni í kringum flugvöllinn.

Þrjár flugvélar sem voru að koma frá Shanghai og Peking þurftu að hringsóla yfir flugvellinum í þessa klukkustund og fengu að lenda þegar starfsmönnum flugvallarins var ljóst að engin hætta stafaði af ljósunum. Þá var tveimur öðrum flugvélum beint á annan flugvöll.
Kínverskir fjölmiðlar tala um að þarna hafi sést til fljúgandi furðuhluts en myndband náðist af sérkennilegum ljósum á himnum yfir flugvellinum.
Myndbandið er þó sérstaklega lélegt eins og oft vill verða þegar áhugamenn festa meint geimskip á filmu. Þar sjást torkennileg ljós.
Það vekur hinsvegar athygli að þetta er í annað skiptið á hálfu ári sem flugvelli í Kína er lokað vegna óútskýrðra ljósa á himnum. Hitt skiptið var fyrir um hálfu ári síðan en þá var Xiaoshan-flugvellinum í borginni Hangzhou lokað.
Meðfylgjandi mynd er af ljósinu sem sást sveima yfir og nálægt flugvellinum í fyrra skiptið.
Alls hafa átta tilfelli um fljúgandi furðuhlutir komist í fjölmiðla í Kína á árinu.
Samsæriskenningarsmiðir eru væntanlega iðnir við kolann. En í fyrra tilfellinu var talið að um einhverskonar tilraun yfirvalda hefði verið að ræða en kínversk stjórnvöld hafa ekki viljað staðfesta þá ágætu kenningu.
Fyrir áhugasama er hægt að skoða myndbandið hér.

Heimild: Vísir, 06. okt. 2010

Forsætisráðherra bannaði umfjöllun um fljúgandi furðuhluti - Opinbera gömul leyniskjöl

Fyrrverandi forsætisráðherra Breta, Winston Churchill, kom í veg fyrir að grunsemdir breskra orrustuflugmenn um tilvist fljúgandi furðuhlua, yrðu gerðar opinberar. Churchill óttaðist að almenningur gæti ekki höndlað upplýsingarnar og að fjöldi fólks yfirgæfi trú sína vegna tíðindanna. Krafðist hann þess að skýrslur tengdu málinu yrðu óaðgengilegar í 50 ár.
Breska ríkisstjórnin hefur nú aflétt leynd af skjölum sem tengjast atvikum sem tengd hafa verið við fljúgandi furðuhluti. Skjölin ná yfir árin 1995 - 2003 og eru rúmlega 5000 síður að lengd. Í skjölunum er að finna lýsingar sjónarvotta og teikningar af fljúgandi furðuhlutum.
Skjölin, sem voru birt opinberlega á netinu í lok síðustu viku, hafa vakið talsverða athygli í Bretlandi. Eitt af því sem hefur vakið hvað mesta athygli er bréf sem barnabarn fyrrverandi lífvarðar Winston Churchill sendi varnarmálaráðuneytinu árið 1999.
Í bréfaskrifum mannsins kemur fram að undir lok seinni heimsstyrjaldarinnar lentu nokkrir orrustuflugmenn í breska hernum í einkennilegri upplifun. Töldu þeir sig hafa séð fljúgandi furðuhlut svífa mjög nálægt flugvélunum. Tóku þeir myndir af farartækinu og lýstu allir því á nokkurn veginn sama hátt.
Lífvörður Churchill á að hafa heyrt á samtal forsætisráðherrans við ráðamenn innan hersins. Í samtalinu kom fram að Churchill óttaðist svo viðbrögð almennings ef fregnirnar yrðu gerðar opinberar að hann taldi öruggast að leynd hvíldi yfir þeim næstu 50 árin. Óttaðist hann að almenningur missti nokkurn veginn vitið, frétti hann af ósköpunum.
Erfitt getur reynst að fá frásögn mannsins staðfesta því öll gögn um fljúgandi furðuhluti, fyrir árið 1967, var eytt innan fimm ára. Töldu ráðamenn skjölin ekkert erindi eiga við almenning. Áhugasamir geta hins vegar skoðað skýrslurnar frá árunum 1999 - 2003 með því að smella HÉR.

Heimild: Pressan - 08. ágú. 2010